Electric Fan

Ang electric fan na love na love sa ako husband

Pwede ray walay asawa basta naay electric fan

Magselos ako dili tungod kay siya naay laing babaye

Kun dili tungod sa electric fan nga di gyud niya mabiyaan.

Bisan asa siya pwesto sa balay, mohigda man o molingkod

Anaa gyud kanang electric fan sa iyang atubangan

Daw sa dili siya makaginhawa kun wala kini

Sama sa mga batan-on karon nga di mabuhi kun walay fb.

Ang nakapait karon sa among kahimtang

Aduna akoy gibati nga sa electric fan magdumili

Ambot ug ngano kini nga dili gyud ko makaginhawa

Kun ang electric fan nag-andar sa akong atubangan.

Adunay mga higayon nga ganahan ako moduol sa ako husband

Apan mapugngan kini tungod lamang sa electric fan

Ginoo panalangini ug tabangi ako

Kay ang amo mga ginikanan ganahan na jud makabaton ug apo.

Ay! pagkaswerte gayud sa among electric fan

Kay sa kanunay ang ako husband anaa sa iyang kiliran

Busa usahay makapangamuyo ako sa kahitas-an

Nga unta usa na lang ako ka electric fan.